பிரதம மந்திரியின் சுய வேலை வாய்ப்பு திட்டம் (PMEGP)

பிரதம மந்திரியின் சுய வேலை வாய்ப்பு திட்டம் (PMEGP)

இத்திட்டத்தில் கடனுதவி வழங்கப்படும் தொழில்கள்:

உணவு பதப்படுத்துதல், காகிதம், நார், மண் வளம் சார்ந்த தொழில்கள், பயோ தொழில்நுட்பம் என வேளாண் சார்ந்த மதிப்பு கூட்டப்பட்ட பொருள் தயாரிப்பு. 

இத்திட்டத்தில் கடனுதவி வழங்கப்படாத தொழில்கள்:

புகையிலை பொருட்கள் தயாரிப்பு, மது பரிமாறும் உணவு விடுதி, டீ, காபி, ரப்பர் போன்ற மலைத்தோட்டப்பயிர்கள் பயிரிடுதல், பட்டு புழு வளர்ப்பு, மீன், பன்றி, கோழி, ஆடு, மாடு வளர்ப்பு தொழில், அறுவடை இயந்திர தொழில், போக்குவரத்து வாகனத்தொழில்.

இத்திட்டத்தில் சொந்த முதலீடு எவ்வளவு போடணும்?

புராஜெக்ட் ரிப்போர்ட்டில் குறிபிட்டுள்ள தொகையில் பொதுப்பிரிவினராக இருந்தால்  10%, சிறப்பு பிரிவினரான தாழ்த்தப்பட்டோர் , பழங்குடியினர் முன்னாள் ராணுவத்தினர் 5%.

வயது வரம்பு:  18வயது முதல்.

அதிக பட்ச வயது இல்லை, 50 வயதுக்கு மேலும் விண்ணப்பிக்கலாம்.

குழுதிட்டம் இல்லை.

இது ஒரு தனி நபர் திட்டம்.

வாங்கிய கடனை திருப்பி செலுத்த வேண்டிய காலம்: மானியம் நீங்கலாக 5முதல் 7ஆண்டுகளுக்குள் திருப்பி செலுத்த வேண்டும். 

தொழில் உதவி:

இத்திட்டத்தில் தொழில் தொடங்கிய பிறகு தேவைப்படும் உதவிகளை இத்திட்டத்தின் உற்பத்திப் பிரிவின் கீழ் பயனாளிகள் உற்பத்தி செய்யும் பொருட்களை மேம்படுத்துவது, விற்பனை செய்வதற்கு உதவியாக பொருட்காட்சி, விற்பவர்-வாங்குபவர் சந்திப்பு நிகழ்ச்சிகள் ஆகியவை கதர் கிராம தொழில் ஆணையம் , மாவட்ட தொழில் மையம் மூலம் நடத்தப்படும்.

ஆதாரம்: தமிழ் ஹிந்து 05ஜூலை 2014 .

தாட்கோவின் திட்டங்கள்

தாட்கோ திட்டங்கள்

தொழில் முனைவோர் திட்டம்:

கடனுதவிகள் வழங்குவதற்கு பயனாளிகள் தேர்வு செய்தல்:

1. பழங்குடியினராக இருக்க வேண்டும்.

2.வயது: 18-55

3.திட்டம் குறித்த விவரம்,

4.செயல்திறன்

மேற்கூறியவை அதிகாரிகளால் ஆய்வு செய்யப்பட்டு பயனாளிகள் தேர்வு செய்யப்படுவார்கள்.தேர்வு செய்யப்படுபவர்களின் விண்ணப்பங்கள் தாட்கோ மூலமாக அனுப்பப்படும்.

ஆய்வு செய்யும் அதிகாரிகள்: ஒவ்வொரு வட்டாரத்திலும் (ஊராட்சி ஒன்றியம்) விண்ணப்பதாரர்களை நேர் கானல் செய்வார்கள். அந்தந்த தாட்கோ மேலாளர், மாவட்ட முதன்மை வங்கி மேலாளர், மாவட்ட தொழில் மைய பொது மேலாளர், ஆதி திராவிடர் நலத்துறை துணை வட்டார வளர்ச்சி அலுவலர், சேவை பகுதி வங்கியாளர் ஆய்வு செய்வார்கள்.

வங்கி கடனில் மானியம் உண்டா?

தொழில் முனைவோர் திட்ட மதிப்பீட்டில் அதிகபட்சம்  50% அல்லது ரூ 3.75லட்சம் – இதில் எது குறைவோ அது மானியமாக அளிக்கப்படும். மானிய தொகை சம்பந்தப்பட்ட பயனாளிகளின் வங்கி கணக்கில் செலுத்தப்படும்.

தொழில் முனைவோர் திட்டம் தவிர வேறு திட்டங்கள்:

இளைஞர்களுக்காக சுய வேலை வைப்பு திட்டம் (SELF EMPLOYMENT PROGRAMME FOR YOUTH-SEPY)

இத்திட்டத்தில் பழங்குடியினர் வாகனம் வாங்க முடியும்.

வாகனம் வாங்க கடன் வாங்குவோர் ஓட்டுனர் உரிமம், பாட்ஜ் வைத்திருக்க வேண்டும்.முன் அனுபவம் அவசியம். இதற்கான விண்ணப்பங்கள் அந்தந்த மாவட்ட தாட்கோ அலுவலகத்தில் கிடைக்கும். பூர்த்தி செய்த விண்ணப்பங்களை மாவட்ட தாட்கோ அலுவலகத்தில் கொடுக்க வேண்டும். மாவட்ட ஆட்சியர் தலைமையில், வட்டார போக்குவரத்து துறையில் ஒருவரும் பிற அதிகாரிகளும் கொண்ட  ஒரு குழு விண்ணப்பதாரரை தேர்வு செய்து வங்கிக்கு கடனுதவி அளிக்க பரிந்துரை செய்வார்கள்.

இந்த வாகன கடனுதவி திட்டத்தில் மானியம்:

பயணியர் வாகனமாக இருந்தால் திட்ட மதிப்பீடு ரூ. 8 லட்சமாக இருக்க வேண்டும். அதற்கு மானியம் 50% (ரூ.4லட்சம்) மிகாமல் வழங்கப்படும்.

பொருட்களை ஏற்றிச்செல்லும் வாகனமாக இருந்தால் அவற்றின் திட்ட மதிப்பீடு ரூ.11 லட்சம் வரை இருக்க வேண்டும். மானியம் ரூ.5.50 லட்சம் வரை வழங்கப்படும்.

ஆதாரம் இந்து தமிழ் தேதி: ஜூலை 18,2014.